20030821

雲南遊記 23 Aug 2003

(這篇遊記是表弟Alan寫的,而相片就是我拍的,文字在未經同意下巳放在我的網頁裡,哈哈)



~雲南之旅~
麗江 瀘沽湖 香格里拉 大里 昆明


2003年8月23日一行6人 5男1女展開我們今次的旅程,10天旅行團出發了

團員 : Alan 表哥 表嫂 基哥 康仔 勤


第一天

香港家中--皇崗口岸--深圳機場--麗江

今次真係飽哂 凌晨4點幾要起身 因為要坐8點半飛機去麗江 咁早火車都無得坐 好彩而家皇崗24小時通關 如果唔係都唔知點算 5點半到就去到皇崗了(天都未光呢...慘...) 分兩台的士去機場


去到機場發生趣事 我地去到機場 發現一個人都無既 行李車又鎖住哂 好冷清 邊有機場係咁咖 嚇死 原來係我地太早 我地係第一班到達機場的人 餐廳都未開門呢 哈哈

跟住仲有大把時間 去飲下茶先 我地唔俾自己食咁多野 亦唔俾同伴食 因為我地去飛去麗江機票好貴(個時去麗江機票無折 而家有呀...灰...) 諗住上飛機食番佢幾個飛機餐 如果唔係真係氣難下 $1580 太過份 點知上到飛機 得NUTS 面包 飲品 激到我地彈起

差不多三小時飛機我們踏進了麗江 麗江給我們第一個感覺 咩機場黎咖 咁簡陋既 落機唔駛扮手續無人理我地既 步出機場 發現落住毛毛細雨(8月係雲南既雨季) 突然有人問我地係唔係出市區 我地梗話係啦 跟住就上左VAN仔 $10一位 印象中都好似要坐成個鐘先去到市區 路邊見到好多向日葵 好靚 耐唔耐見到一些婦女穿著民族服裝 個時覺得好得意 好特別

在車上有幾個西裝友向同車既人推介行程 我諗係旅行社派黎既 可能見我地年青人都唔會show佢地 佢都無sale我地 一下子就去到麗江市了 感覺普通大城市吧了 之後就打的去古城啦 落到車 古城真係古城 感覺唔錯 陽光幾好 小橋流水 very good 哈 跟住咩都唔知

入左古城無耐 見到什麼旅客中心 梗係入去問人啦 出發前大家都做左些資料搜集 都搵左幾間客棧 咁就去睇下 大致上都可以接受 不過有些toliet會有異味 我地見原來咁多客棧 咪唔理間間睇下 問下價錢 最後去到一間叫金虹客棧 $80 雙人標間 環境唔錯 細細地 唔多人住 靜靜地 係度做room service的又後後生生全女仔 toliet 無異味 唔諗啦 就呢度啦 就咁我地就安頓左係呢間金虹客棧 大家休息左一陣 就出去古城行下 食番個下午茶先 叫左幾個過橋米線大家share 最好去左古城既望古樓 亦係木王府門口影左幾張相 咁就入黑了 入黑左既古城又有另一番風味


*麗江古城


*古城的納西族女人


為左慶祝我地旅程第一日 所以要好好食番餐 我地就去左四方街旁既洋人街 食餐好既 點知 我地係食西餐(番大陸食西餐 搞錯哂) 有pizza 意粉 漢堡包之類 當然要啤一啤去啦 坐係柔和既燈光下 小河旁進食晚餐 真係溝死女 哈哈 食完飯大家買定些面包 準備聽日玉龍雪山之旅 之後就番客棧休息休息了



第二天

玉龍雪山


第一天時已經透過客棧幫我地包車今天遊玉龍雪山 晨早起床 落住雨 好苦惱 都唔知應唔應該改行程 點都好食左早餐先算 前一晚同客棧妹妹仔講好左 $5 一位 有粥 雞蛋 曼頭 ($5 算好抵啦) 食飽飽之後經過女師傅的意見後決定繼續行程


踏上雪山 女師傅問我地駛唔駛買氧氣 因為上到雪山海拔三千幾米 可能會有缺氧程況 我地討論之下 決定買一支啦 大家咁後生應該頂得住

玉龍雪山最深刻既就係枆牛坪同雲杉坪 由於第一次騎馬行山路上雲杉坪 真係驚驚地 行成個鐘
呀 我地6隻馬 得兩個人睇住我地 有咩事點算 一路大家都好緊張 天又下著毛毛細雨 真係好玩非常 騎左成個鐘終於去到了 好涷 可能真係係海拔三千幾米啦 好大霧 見到山 有些白色 唔知係唔係雪呢 跟住我地就不停影相啦 係山下拎支水出黎 扮下華仔道地廣告先 (華仔都係係玉龍雪山拍的) 可能真係高山問題 大家又跑得快 大家都有扯蝦既感覺 因為時間緊迫逗留左一陣我地就走左 跟住當然係騎番馬落山 行行下帶馬既人問我地 加錢行第二條路 平坦 舒服些 我頂丫 你唔早講 咁我地當然接受啦 隻馬係佢 係個山頭度 咩事都會發生 加就加啦 完路都見到好多好靚既境色 最梗要係 馬係好為食 見到草就去食 食完就即刻大大 核突非常呀



*騎馬上山1

*騎馬上山2

*雲杉坪1

*雲杉坪

*氧氣

跟住下一站就去枆牛坪 跟住去到就坐大索道上去 上到去發覺比雲杉坪靚好多 大好多 好可惜 我地 只可以逗留 個多小時 因為大索道要關 我諗我地只可以行得三分一咋 所以推介朋友如果去 可以放棄雲杉坪 去枆牛坪玩算了 因為一日去 哂兩個好困難呢

*枆牛坪1

*枆牛坪2

*枆牛坪 3

跟住番麗江 又去洋人街食 今次食韓國野 咁梗係又要啤一啤呢 食完飯番去訓了 因為第三日旅程係挑戰瀘沽湖
 


第三天

瀘沽湖



*放牧完了,要回家


一大早起身本身諗住係客棧食早餐 前一晚同妹妹仔講 佢地今次有怨言 話我地食早餐 佢要好早起身 叫我地自己出去食 哈 咁都得 我地係客人 竟然佢話事 哈 不過我地好樂意 都唔想難為佢地 咁我地自己出去食(反而欣賞她們那份真 唔想就話唔想) $4 蚊就可以食碗酸辣米線 客棧旁邊就有啦 無為辛苦可愛妹妹仔啦

食飽飽出發啦 講好左昨日那包車載我地去瀘沽湖 頂丫 今日個女司機多多野講 又話自己個牌要續 搵左第二個載我地去 都決定走啦 仲可以 唯有上車 6個鐘頭有多既車程 呢個師傅唔係好出聲 悶鬼死 又唔介紹下 坐到腰骨都痛呀 佢手車就 唔錯 一個字辣 唔可以俾人爬佢頭 哈

*我們的車子,伴了好幾天

8點幾出發 下午2點幾去到了 首先我地去到觀景台 望一望瀘沽湖既全景 真係目定口呆 好似一張畫
係面前咁靚 大家都好難相信 係觀景台

*瀘沽湖

有兩個小朋友一路跟住叫我地買蘋果 又話行左三個鐘先黎到 又話無錢開學 我地見佢地咁可愛 俾左少少錢佢地 要佢地同我地影幾相


*賣蘋果的小孩

跟住真正進入瀘沽湖 開頭我地諗住住係里格 個師傅多多野講 又話差不多 車係佢 佢又唔係好友善我地又一次妥協了 最後都係住番大落水村 呢個師傅無得頂呀 去到大落水無啦啦駛入一間食府話係度食飯 我地梗係唔肯 我地就自己行出去睇下有咩食 見到有燒烤 咁就食燒烤啦 燒茄子勁正呀 第二度都食唔番呀 我地又叫左雞蛋炒飯 加個度既特別辣粉 好好食


*食燒烤,貪得意拿了食店的手動風筒玩


*他在準備晚上的燒全羊

食食下野 聽到羊叫 原來有一車羊運左黎 睇佢地好慘同同伴分開 佢地今晚就會俾人燒 瀘沽湖特色燒全羊 其實我都想試不過實左太貴 $600一隻 我地有些同伴又唔食羊 所以都無食啦 之後就搵地方今晚住啦 搵左一間都幾蚊 不過無辦法 那邊的居住環境好似無麗江咁好 一晚半晚算啦 之後就週圍行下 影下相 下午茶時間又到 走左食個麻辣米線 甜酒蛋 第一次食咩叫真正麻辣 條利真係無哂感覺 不過真係好正 甜酒蛋都唔錯 係清涼的天氣下 飲一淡都加唔少暖意


*豬槽船

*瀘沽湖旁的草坪,有人在放牧


*豬槽船

*小孩跳入湖中玩耍1

*小孩跳入湖中玩耍2

*瀘沽湖旁的小孩

*瀘沽湖旁賣蘋果的小孩

夜晚我地就參加左個溝火晚會 感受一下摩梭人既文化 (其實呢個晚會好流 好商業化 搵錢活動) 不過我地都有出去跳舞 玩下 都幾得意既

晚會完左我地又去燒烤啦 今次去左湖邊一間臨時檔口 好得意 我地一邊燒烤 那些在檔口工作的女孩唱山歌給我們聽 我又講一些摩梭文化給我們聽 我們當然問她們走婚既事啦 哈哈 呢餐食得好開心 跟住大家就買買手信 行下 台頭望上天空 嘩 咁多星既 多到好似假咁喎 真係好靚 我同基哥都啞哂 今日可能坐車坐到耐 大家都累 所以都好早訓左

 

第四天

瀘沽湖回麗江


一早起身去食個麻辣米線食早餐 跟住就上車走了 上車時要求師傅點都要去里格睇睇 幾黑人憎佢點都唔肯去 最好只去到附近 俾我地遠望里格一下就要走 跟住又坐左6個多鐘頭既車番麗江 番到麗江都成4點啦 跟住個師傅問我地第二日去邊心諗 你咁既服務態度 仲敢問 我地咪話

*遠望里格村

係麗江玩多幾日先決定囉 佢被抄魷魚了 跟住就番金虹客棧 我地叫左妹妹仔點都要留番房俾我地咖 好彩佢地都有留到 我地即刻打俾第一天 包佢車那大姐 話一定要佢帶我地香格里拉 如果唔係我地 搵個另外一個人 佢又答應了

今晚係麗江最後一晚了 大家都去買買手信 晚餐我地決定係番客棧食啦 $10一位 都幾好食 有湯 又有我地既最愛 雞蛋炒飯 飲飽食醉 大家要真真正正收拾行裝

*這晚在客棧食晚餐,四川師傅的手勢很好,食飯前和我們談了很久,說了很多他以前的事


離開麗江 進入我地雲南第二個要到既地方 香格里拉 今晚大家都好好睡了一覺呢

 

第五天

香格里拉



*遠望松贊林寺


訓醒發覺喉嚨劇痛 出事 可能食得太多燒烤 麻辣野太多 表哥有幾粒喉糖頂住先啦 大家都準備出發了 同客棧的妹妹仔道別後 就踏上我們去香格里拉既路了 今次大姐黎接我地 點知 佢又同我講 佢又唔得 今次係佢表弟帶我地去 又話表弟年紀同我地差不多 會好玩好多 又係無得選擇下 出發 點知 今次車上唔係一人 係兩人 兩個男人 開頭以為 那是師傅既朋友 去到某一個地方會落車 點知原來兩個都係師傅 話長途喎 有個拍擋會好一些 我地只可以答 哦 之後發覺呢個個師傅都幾好 沿途會講解好多好多 好似請左個導遊咁 我地對佢都幾滿意啦

去香格里拉既時候會路經長江第一灣 無咩特別 影幾張相 就走了 差不多6個小時 我們到了香格里拉 香格里拉俾我既感覺 就係一望無際既大草原 好多田 呢個係一個藏族既地方 都會見到一些藏族既建築 都幾得意 之後我地就去左食飯 由於先前用得太多錢 發覺經費唔係好夠 唯有慳住用啦 午餐又係雞蛋炒飯加幾碟青茶 師傅食既野都好過我地呢 之後我就搵左間藥房 買左
一包口含丸 醫治下我喉嚨先

香格里拉第一站景點係屬都湖 無咩特別 坐快艇出湖 車 流既 無野好玩

第二站 松贊林寺(小布達賴宮) 入去參觀下 好特別 好似真係去左西藏咁 見到好多喇嘛 我地轉轉經輪 就入左個地方 女性止步的 表嫂你無得入去了 哈哈 入到去見到好多 嘛仔 我諗係度敬拜咁 不過佢地都唔專心 見到我地係度笑 可惜入面唔俾影相 因為氣氛真係好正 真係想影幾張相呢 有樣幾得意既野 寺上既天空 真係有好多烏丫(唔記得左點寫) 我地即刻想起天葬 之後就去搵地方住啦


*松贊林寺1

*松贊林寺2

頂 司機介紹間好貴 二百幾蚊住一晚 跟住咪去第二間囉 其他既又接受唔到 最後都係去番貴那間 真慘 夜晚去左參加藏族家訪 真係好聽 去到先知完來又係一間商業晚會 $50一個人 是但啦 試下啦 去到打死都試下藏人成日飲既酥油茶 一飲即刻反胃 酥到呢 我眼水都流埋 跟住睇下藏族歌舞 我地又出去一齊跳跳舞舞 其實個晚會真係無聊到極 我地都唔識欣賞 睇左大半我地都想走左 因為想去食晚飯呢 結果我地又去左燒烤 再加碗雞蛋炒飯 食到個個都勁飽 跟住都無咩好做 番去訓啦 因為第二日要挑戰虎跳峽

*肩上披上哈達的我和藏族屋主合照


第六天

虎跳峽 大里


一大早起身 去納柏海 今次我地唔驚啦 騎馬吧了 我地今次野馬係大草原奔馳添呀 真係好大個草原玩完野馬奔馳 就坐車進入下一驚險之旅虎跳峽


*納柏海


我地今次打算挑戰既項目係途步橫越中虎跳既一線天 今次我地多左個成員 就係 其中一個師傅啦 佢話都擔心我地 所以要睇住我地 服務態度一流啦 我地請左一個阿伯帶我地橫越呢個經險之旅 一開始時好似行山咁 行下行下 就好辛苦啦 路勢都幾崎嶇 聽聞表嫂行行下好大汗 並不是因為熱而出汗 係因為緊張而出汗 你話幾恐怖 表嫂唯有硬著頭皮向前走 印象好深就係爬天梯 我地途手爬一條梯 一條見唔到底既梯 有所謂既安全帶 安全帶只是上面有人幫你捉住條繩吧了 我地係勇士 唔駛啦 死就死 爬落去 爬極都唔到底 真係驚驚地 好小心 一陣踩錯 失足 就咁玩完 結果我地都好平安 個個安全到步 其實虎跳峽風景係幾靚 可惜因為要行山 我地都唔方便影太多相 行左3個多鐘到 終於完成途步一線天 我就真係散哂啦 要快快走了 因為時間趕迫 我地今晚要趕去大里


*虎跳峽

*向下爬

*我向下爬到梯子的一半,看到其中一節樹枝斷,換了樹枝


大家係車到都累 呢程車真係增加唔少知識 康仔 基哥 勤 討論三國風雲錄 唔好意思 我無睇過三國任何文獻 我同表哥唯有聽啦 表嫂一貫作風 訓 佢係咩路行車都可以訓 佢係大師姐 勤係小師弟 因為勤都係係車好訓得 不過同大師姐比仲差好遠 三國講完 到勤講佢既情史 真係唔夠後
生黎 大佬佢幼稚園初戀邊夠佢玩呀 講下講下 又坐左成6個幾鐘了 入到大里都成夜晚十一點了 跟師傅說再見後 就係深夜既大里古城搵住既地方 跟住搵到間類似賓館既地方 安頓低 就去食我地既晚餐了 大里古城又有條洋人街 我地又係去食西餐 不過大里古城就比麗江差得遠啦 人流都少好多 食既野普通啦 西餐都係香港比較好食 大家今日真係無哂力 坐左成8 9個鐘頭車 又行埋中虎跳 大家唯有早些休息啦

 

第七天

大里 昆明火車

今日訓多左少少 因為大里都無諗住去邊度玩 9點幾先去食早餐 去左洋人街食番個歐陸式早餐 唔錯既 十幾蚊 跟住就遊洱海 睇大里三塔 完全無感覺 影幾張相就走 交功課式 最特別咪坐過馬車囉 跟住就出番大里市 買今晚坐火車去昆明既火車飛

去到買車票真係火都黎 等左成個鐘 都唔知攪咩 因為夜晚9點幾先上車 我地就去左食野 同打美式桌球消磨下時間

*大里


跟住就上火車踏上昆明既征途了 上到火車我地剛好6人一個包箱 跟住發生一個小插曲 我地每人上到車 都好興奮 因為估唔到幾十蚊都咁正 一下子諗住搵人袋番哂所有車票 死 發現唔見左張 跟住搵極都搵唔到 諗住扮傻 算啦 唔理 點知一開車 有人查飛 跟住做戲啦 扮自己都唔知車票係邊 其實大家都驚到陣 因為之前搵左 好耐都搵唔到 無飛會點呢 嘩 係最後一刻 表嫂突然間拎張飛出黎 嚇死 事後問番表嫂 佢話無啦啦見到張飛 頂 無理由呀 我地明明搵過哂所 有地方 今次真係有驚無險 同埋好明顯大家既戲真係屎到爆 整晚流流長 都唔知做咩好 玩樸克啦 我咁大個仔第一次爭住4條DEE 俾人抄13隻 真係經典 玩玩下火車熄燈 望一望錶 喂 10點咋 係咪玩野呀 問下職員攪咩 佢話因為其他人要訓覺 所以要關燈唔係掛 香港人晚餐都未消化啦 我地就用電筒照明繼續玩啦 玩到咁上下俾人投訴我地嘈 我地唯有靜啦咁 玩到咁上下 大家都有些累意 試下訓啦 今晚係我人生第一次係火車過夜 其實都OK既 不過訓下醒下咁囉
 

第8天

昆明

早上6點未夠 天都未光 就到左昆明 我地都未訓醒就好嘈 其他人好似知道要落車咁 起哂身刷牙執野 我地就車停左先起身執野 最後仲俾人趕落車 我地係最後落火車既人呢 大家都未訓醒 清晨既昆明特別涷 由於先前同康仔都去過昆明一次 所以都OK 唔驚 我地係火車站就打的去昆明市中心先 金碧廣場 大家集合左 就四圍搵地方住 我地都幾好彩搵到個地方 好近廣場的 $100
雙人標間 印像好似係昆明大酒店 伍華大廈對面 真係酒店咁 唔錯唔錯 $100係昆明市我地覺得好抵 大家係火車都訓得唔係幾好 表哥又有D 唔舒服 各自休息 聽聞表哥仲發燒添 咁表嫂就同我地食完早餐番去照顧表哥 我地就恰左一陣又出去玩了 因為之前同康仔黎過昆明 好多地方都去過 咁我地就帶基哥同勤去圓通寺

行下啦 可惜落住好大雨 都無咩心情玩 個身都濕哂 去完圓通寺 我地都決定番酒店避一避雨 給果我就好似有感冒唯有訓訓休息休息 大家都訓到咁上下 就叫埋表哥表嫂出去食晚餐 成日睇遊記 話橋香園過橋米線點正 點都要試下 我地就去左 金馬碧雞坊那間 普通啦 又唔覺得真係咁掂囉 之後表哥就同表嫂週圍行下 我地4男子 去到昆明 梗係去浦下先啦 金雞廣場都有條酒吧街有好多酒吧 我地見到有一間什麼謝霆峰 內衣SHOW 入去睇下啦 個D SHOW係幾好既 有D靚女係個台度行CATWALK 謝霆峰就... 笑死人

之後番酒店搵番表哥 交待明天基哥 勤 去石林既事 我同康仔就唔會去 因為先前去過 搞掂哂之後 我地再夜闖昆都(昆明籣桂芳) 好多人 之後就去左天籟村 一間的士高 我地無跳舞 飲下酒 睇下靚女行CATWALK 玩到點幾鐘 就番酒店了 因為基哥同勤明天要早起去石林


第9天

石林



第10天

昆明 深圳 香港

起身之後 去食早餐 又食辣既米線 最後一餐雲南早餐了 之後去左昨日同康仔亂行去到既尚義街鮮/乾花市場 去到大家都好瘋狂買手信 因為真係太平了 大家買完野之後 去左昆都食午餐 就番去收拾行裝去機場 飛番深圳了 兩點幾飛機 跟住係機場見到好多人像攝影藝術照既書賣 嘻嘻 無著衫既女仔相呢 哈哈


*昆明機場

跟住我地就離開雲南 番深圳了 大家都好唔捨得呢 番到深圳機場 包車去羅湖關口番香港 車上大家都回味今次之十天之旅 最慘係第二日大家都要番工 番學 番到屋企都9點幾10點了 番到香港既感覺好陌生咁 番到屋企 感覺都好陌生 不過都訓得著 第二朝一早起身 又要回復枯燥既上班生活 灰呀 ....

 


I HOME I GUESTBOOK I

 

20030118

北京-杭州-上海-番禺遊記 18-26 Jan 2003


*從景山公園最高的地看故宮 (lomo-lca e to c)


前言

2003年北京之旅,是第一次用自助的方式旅行,為滿足我穿州過省的旅行感覺,貪心地在十天裡一次過去了幾個不同的地方,先到北京, 隨後到杭州,上海,番禺。

第一次自己計劃整個行程,出發前的準備最辛苦吧,用了很長時間搜集資料。想去的地方太多,可惜時間又太少。普通話說得不好,生怕到時會發生什麼突發的事情,不得不把所有交通和景點資料都盡自己所能通通找出來。

酒店和火車票都是先在香港預訂的,住的都是三星酒店,所以錢也用得比較多。如果沒有第一次的貴價自助遊,也就得不到信心和經驗應付其後的旅行。

這篇遊記是在一年多後寫的,加上再經歷了幾次旅行,儘管有很多細緻的感覺都記不起,也很想把這次旅行的行程作一個紀錄,畢竟這是我第一次揹起大背包坐火車的旅行遊記。



2003年1月18日 星期六 香港-北京

今天要上班,1:00放工後,約了恩在公司樓下,坐過海巴士到紅磡火車站。沖沖買了一些報紙雜誌,水和零食就預備上火車。

3:00準時開車,非常興奮!我們坐的是二人一房的包廂,每位大約1100元,好貴,在深圳乘飛機到北京的價錢都是差不多,但我就是很想用陸路,感受一下香港與北京中間的距離有多少,看看不同省的地貌又有什麼不同之處。

車開了後,就在這完全屬於自己的小天地四圍跳,累了,又試試不同的睡姿和坐姿,接近三十個鐘的車程裡,就是這樣不停跳下,坐下,睡下渡過了。 車開了幾個小時後,暖氣隨即開放,房內的溫度不停上升,逼使我們換上短褲短衫。每每火車停站時,我們都很雀躍地跳出火車,買零食和享受片刻冰涼的感覺。


*我們乘坐從九龍到北京的火車 (lomo-lca e to c)

*lca - 今次旅行,它的出場機會很多噢! (lomo-lca e to c)

*一有機會下車,我們就四圍走 (lomo-lca e to c)



2003年1月19日 星期日 香港-北京

第二天在火車裡,無所事事,整個人都悶透了,直到窗外閃過一堆堆白色的東西,原來是地上的積雪,我們開心到不得了,兩個頭擠在小小的窗前,不停的嘩,嘩,嘩。。。叫了出來,好像有什麼驚世的大發現。由於我們知道已到了北方,與北京的距離愈來愈近,兩棵熾熱的心又再次興奮起來。不過最後火車都遲了差不多兩小時才到達,7:00在北京西站下車。

第一步踏上中國首都的土地上,有點惘然。四周都黑黑的,月台上是,站內也是,地方又大。出站後,想乘地鐵,又不知往那邊走才對,問過人後,原來要很遠才有地鐵站。所以決定打的到預先訂了的松鶴大飯店,就在王府井大街。

司機是一位大嫂,她很奇怪為什麼會自己坐火車來北京,當她知邊我們是第一次來,就提議經過故宮前面時,圍繞天安門廣場轉個圈,順路介紹一下幾個出名的建築物,我說好,因為北京打的比我想像中便宜,火車西站到王府井大街都不過是20元。 人民大會堂,英雄紀念碑,天安門廣場,這些從小到大只可在公仔箱看到的建築物,在黑夜裡被無數的射燈照得閃閃發亮,彷彿是一個又一個後製品,完全看不到它們的歷史行跡。

把東西放好在酒店,立刻跑到王府井大街。大街兩旁商店林立,但我的目標是先找吃的。今晚就吃了狗不理的包,好多的包。


*晚上坐地鐵到天安門附近轉了個圈 (lomo-lca e to c)

*披上一身明亮燈泡的天安門 (pentax espio 140)



2003年1月20日 星期一 北京 (長城,十三陵)

今天去長城和十三堎,一大早出門口,坐地鐵到前門乘旅遊專車,時間緊迫,就買了麥當奴早餐上車慢慢吃。旅遊專車的服務不錯,上車後有服務員清楚說明稍後的落車時間和集合地點,又會說說一些歷史故事,雖然我只明白一半的意思,但總好過坐我前面的兩個日本女孩,兩人不停拿著日文旅遊書研究,好似好緊張。

先來到居庸關長城,見到旁邊的小河已結成冰,風又大,好凍。穿過一道城門,上面寫著:「天下第一雄關」,就到了起步點,看到一個石碑,刻上由毛澤東提的「不到長城非好漢」,就是這幾個字,就足以吸引了成千上萬的旅客來這裡。跑過居庸關長城後,再坐車到最出名,最多人來的八達嶺長城,這裡保養得較好,路面寬闊平坦,十分好走。最後再坐車去十三陵,其實沒有什麼好看,只覺得可以落到地底都算特別。

晚上到了非常出名的全聚德吃北京烤鴨,十分好味。


*一大早沿著王府井大街跑去地鐵站 (lomo-lca e to c)

*王府井大街的旅遊觀光車 (lomo-lca e to c)

*旅遊車還未開出,穿過隧道到對面的麥當勞買早餐 (lomo-lca e to c)

*居庸關長城 (lomo-lca e to c)

*結了冰的河 (pentax espio 140)

*居庸關長城 (pentax espio 140)

*天下第一雄關 (pentax espio 140)

*十三陵內的公園 (pentax espio 140)

*長陵汽車站 (lomo-lca e to c)



2003年1月21日 星期二 北京 (故宮,景山公園,北海公園,天壇)

今天五時多起身,目的就是去看升旗,那時候,每月的1號、11號、21號、31號都會有較隆重的軍樂升旗儀式,只可惜坐地鐵時不小心下錯站,去到天安門廣場時,旗己升,人漸去。只好在旗杆底下拍照留念。

故宮很大,很宏偉,但沒有興趣慢慢逐個宮殿看,我們沿著中軸線,一邊行,一邊影相,很快就出了故宮,到了後面的景山公園。從景山公園最高處可看到整個故宮。之後再行到旁邊的北海公園,在裡面我們玩了滑冰車,好好玩。

下午先到西單吃飯行街,然後再到天壇。

晚上到了東來順吃涮羊肉,好好味,出來時竟遇到人生的第一場雪,開心得好像中了獎,邊行邊玩,完全不想回酒店而浪費了上天賜給我們的一場黑夜飄雪。


*三輪車伕 (lomo-lca e to c)

*天壇入口 (lomo-lca e to c)

*故宮售票處外 (lomo-lca e to c)

*北海公園內,臉蛋紅過紅蘋果的小朋友 (lomo-lca e to c)

*北海公園的湖上玩滑冰車 (pentax espio 140)

*她老是想追我 (pentax espio 140)

*北海公園出口外 (pentax espio 140)

*入夜後的王府井 (lomo-lca e to c)

*東來順外的燈柱下,我們遇上了人生第一場雪 (lomo-lca e to c)



2003年1月22日 星期三 北京 - 杭州

一覺醒來,外面已變成白色世界。跑到天安門廣場玩雪,看到故宮都被白雪粉飾了一番,很少見。下午到北京站坐火車到杭州。


*王府井街尾的教堂前門 (lomo-lca e to c)

*雪人 (pentax espio 140)

*上火車前四處盪 (lomo-lca e to c)



2003年1月23日 星期四 杭州

清晨時份來到杭州,原本想在這裡買明天去上海的火車票,但人太多,不想排隊。所以我們選擇了坐大巴,都是在這裡買票的。時間尚早,我們先乘巴士在西湖一帶轉個圈,看一看,才到酒店。

來杭州當然要去看西湖,我安排了接近傍晚時才去。那半天時間怎麼辦?在酒店裡拿了幾張旅遊景點簡介,我看中了一個遊樂場,好,出發。走到巴士站,攪不清方向和班車,有一女人走過來問我們想去那,再說不如去龍井村看茶葉,到杭州一定要去龍井問茶。之後我們就跟著她去了。下車後,再乘小貨車向山裡進發,到了一個水泉後,就開始步行。這裡沒看到大片的茶田,只見一條小村,家家小樓。那個女的其實一直跟在我們後面,現在又出場了,她叫我們到她家裡渴裡渴茶。原來她一直是在找生意,明白了。最後在她家裡買了一點當作手信,然後就坐車回西湖。

西湖並不漂亮,可能太近城市。到湖邊的售票處買過船票後,就上了一艘觀光船。在湖中轉了個圈後,又再上岸,發覺有些奇怪,就走去問人,原來我們上錯船,最後我們在岸邊包了一條小船,再一次看看西湖,可惜都是沒有特別。

晚上打的到了湖邊的樓外樓吃飯,吃了龍井蝦仁、西湖醋魚,這裡價錢比較貴,但非常好味。




2003年1月24日 星期五 上海

一早乘車到上海,只須2小時,好快。下車後乘地鐵到市中心,一切都很像香港。找到酒店後,立刻放下行李,跑到新天地,然後就到豫園。在豫園吃得飽飽後,又跑到外灘,我們用觀光隧道過對面的東方明珠榙。看過後,打的到碼頭,坐渡輪回外灘。晚上就在步行街上蹓躂,整天在行路,累透了。


*豫園的剪影 (lomo-lca e to c)

*聯結浦西外灘與浦東陸家嘴的觀光隧道 (lomo-lca e to c)



2003年1月25日 星期六 廣州 - 長隆酒店

昨天在酒店裡登記了,可以乘免費的巴士到機場,終於要回廣東了。

中午到達廣州,立即打的到長隆酒店,要百多元。這間酒店真的很漂亮,房間很大,只是比較貴。動物樂園除了動物,表演都很好看。


*從上海乘飛機到廣州 (lomo-lca e to c)

*長隆動物園裡的一棵掛滿布條的樹 (lomo-lca e to c)

*長隆動物園裡的美國旗 (lomo-lca e to c)



2003年1月26日 星期六 長隆酒店 - 市橋 - 大崗 - 潭州 - 羅湖 - 香港

回港前,到番禺的鄉下探爺爺奶奶。



I HOME I GUESTBOOK I